وجهت الفنانة المغربية دعاء اليحياوي رسالة للفنانة زهيرة الصديق التي شاركتها في كليب أغنيتها الجديدة التي نحمل عنوان “بضاضي”.
وجاء في رسالة دعاء اليحياوي ما يلي: “اول شخص جاني فبالي انه يجسد دور الأم ديالي ( المتوفية ) فل فيديو كليب كان هو الممثلة القديرة و الصديقة الغالية زهيرة صديق ، علماً أنها للمرة الثالثة على التوالي الفنانة زهيرة كتجسد دور الأم ديالي فل الأعمال الفنية.ماشي من طبعي اني نتكلم فهاد الموضوع، و من ديما كنبغي نشارك معكم غير الحاجات الإجابية و الزوينة.”
وأضافت الفنانة المغربية “هاد المشهد بضبط كان صعيب عليا بزاف ، اه بكيت فيه من قلبي لأنه من ديما كنتفكر هاد النهار لي جاي واحد نهار و لي غادي نكون فيه عروسة بلا ماتشوفني ماما و لا توقف معيا توجد معيا لعرسي تفرح بيا و تشوف بنتها عروسة.الحمد لله تحرمت من كلمت ماما و تحرمت من أجمل حاجة فدنيا لي هي الام . و لكن كنأمن بقوة انه الام ديالي فبلاصة زوينة بزآآاف و اهم حاجة هي فخورة بيا.”
وتابعت دعاء اليحياوي “لأي شخص يتيم الام بحالي كنبغي نقولكم ربي معنا ماشي ساهلة ، و لأي شخص الام ديالو عايشة تهلاو فيها حيت الام اعظم كنز فدنيا.”
وشكرت دعاء اليحياوي الفنانة المغربية قائلة: “شكرا بابا لأنك كنتي معيا فهاد المشهد و درتي اي حاجة باش منحسش بنقص، شكرا الفنانة الغالية زهيرة صديق انك خليتيني نعاود نعيش شوية احساس عندي ماما مرة خرة ، و دموعك غالين . شكرا للفريق ديالى على الحب و الطاقة الإجابية لي عطيتوني باش نصور هاد المشهد. الله يرحمك ماما ماريا و جميع اموات المسلمين يارب. و الحمد الله”.
Voir cette publication sur Instagram
