خرجت الفنانة المغربية عبير العابد برسالة وجهتها لزملائها في المجال الفني بخصوص صحتها النفسية وذلك من خلال تدوينة شاركته ل عبر صفحتها الرسمية بموقع تبادل الصور و الفيديوهات “انستغرام”.
وجاء في التدوينة النص التالي: “لكل فنان/ة كيقولوا عليا “غير مستقرة نفسيا” و حركاتي غير متوقعة و كيحذروا الناس تتعامل معايا واخا هادي 20 عام و أنا كنغني و ما عندي حتى فيديو كنضرب و نزگل فيه بالحجر و لكن مقبولة يا سيدي و يا للا ..”
وأضافت عبير العابد “أول حاجة لي فينا مستقر نفسيا 100% بغيته يعلي يده او يشاركنا تجربته، على حد علمي الكائن البشري أصلا ماشي “مستقر او ثابت” بطبعه، و ثانيا بغيت نشرككم حيت كتأكدولي أهميتي بيناتكم فهاد الساحة الفنية، و الأهم هي علاقتي معاكم المباشرة “سمينة على عسيلة” و مليئة بالمحبة و الخير ..”
وتابعت الفنانة المغربية قائلة: “اما هادوك لي ما لقاو ما يقولوا قالو “كتشوف راسها واعرة و كتقول عندها احسن صوت” ..اولاً أنا عمرني كنت مغرورة ولكن واعية بحجم الموهبة لي عطاني الله و ثانيا راه نتوما لي كتقولوا ماشي أنا و نتحدا شي واحد يجبد فيه تصريح كنقول “أنا الملكة ” راه صوتي بالنسبة لكم انتم لي كتهضروا هو احسن صوت اما أنا غير ” Lala Hathaway” كتفرفرني ملي كتغني التوافقات بصوتها ( “الأستاذ/ة سمحلي إذا استعملت مصطلحات موسيقية و علمية بحثة لي ناس معانا فالمجال ما عرفهاش..”
واختتمت عبير العابد تدوينتها قائلة: “الحاصول، أنا ممتنة لكل شخص دعمني من نهار سمع صوتي و قدر موهبتي، و سعيدة بوجود ناس في حياتي منهم متابعيني و صحابي لي آمنوا بشخصي و موهبتي ( حتى ملي كنت غليضة بالشعر المستعار) حيت فداك الوقت هذا كان هو السلاح لي كيضربوني به شي وحدين و دابا دزنا لمستوى جديد،و باقي غادي تقولوا عليا شي نهار خارجة من سبيطار الحماق و عندي سوابق ( او دابا سوابق هي من معايير النجاح و الدقايقية فباب السجون المغربية )
