علق الإعلامي المغربي رضوان الرمضاني على خسارة المنتخب الوطني النسوي في نهائيات كأس العالم ضد المنتخب الألماني المقامة في استراليا ونيوزلندا.
وشارك الرمضاني عبر صفحته الرسمية على موقع تبادل الصور والفيديوهات “انستغرام” صورة المنتخب الوطني النسوي مرفوقة بالتعليق التالي: “تقول عليهم خسروا بحصة كبيرة؟كاينة.تقول عليهم لعبوا الماتش وفيهم الدهشة؟ممكن.
تقول عليهم ما عندهمش التجربة؟أكيد.تقول عليهم ما عرفوش يتعاملوا مع الماتش؟ عادي.هاد الشي كلّو كاين وممكن وعآآدي…ولكن اللي مثير للانتباه هو أنهم بقاو مقاتلين ونفسهم حارّة… حتى الدقيقة 99. وهادي بوحدها كافية وكتبيّن أنهم ما مشاوش غير باش يتساراو…
وأضاف الإعلامي المغربي “من زهرهم أن الكرة النسوية بدات فزمن السوشيال ميديا والتلفزيون نيميرك.
ومن زهرهم أول مشاركة فكأس العالم جات فهاد الوقت.سعدات الرجال اللي بداو الكرة فالوقت اللي ما كانش كيوصل حتى الصوت. يلعبو نهار الاحد توصلك النتيجة نهار الاحد اللي من بعد.عيبنا كنبغيو كلشي يكون من الدقة الأولى.
وتابع الرمضاني “راه عادي ما تعجبكش النتيجة. ولكن اللي ماشي عادي هو ما تعجبكش غير حيث المنتخب ديال البنات هو اللي لاعب.راه ألمانيا طحنات البرازيل فسبعة لواحد لمونديال الرجا. والبلايلي ماركا على الزنيتي بطريقة گاع ما ماركاو بها الألمانيات على الرميشي. البيت ديال البلايلي ساوي الستة ديال الألمانيات بأثر رجعي.
فوق طاقتك لا تلام. براڤو البنات”.
