نفى رجل الأعمال المصري أحمد أبو هشيمة خلال حلوله ضيفا على برنامج “تفاعلكم” الذي يبث على قناة العربية، خبر ارتباطه بشقيقة النجم البرتغالي كريستيانو رونالدو.
وكشف أحمد أبو هشيمةأن “كريستيانو رونالدو صديق مقرب من أكثر من 7 سنين، صداقتنا بدأت إنه كان بيعمل لي إعلان لحديد المصريين، هو شخص حبوب جدا ومتواضع”وأضاف “سمعت الي تقال بخصوص إني حتجوز أخته، لكن ما حصلش الكلام ده، ومش كل حاجة تستحق الرد عليها”.
وبخصوص طلاقه من الفنانة ياسمين صبري، قال رجل الأعمال المصري “كل الاحترام والتقدير والمعزة لياسمين، ثانيا حياتنا الشخصية مستحيل أتكلم فيها لأنها مش شخصية ليا لوحدي، فيه طرف تاني فيها.. شفت تعليقات الناس بس هنعمل ايه؟ خلاص احنا في عصر السوشيال ميديا”.
وتابع أبو هشيمة “ياسمين إنسانة محترمة وانفصلنا بهدوء واحترام وده الطبيعي والمفروض يحصل سواء مني أو منها.. نفس الكلام اللي بيتقال في الجواز والطلاق بيتقال في كل حاجة تانية.. هرد على إيه ولا إيه”.
