أثار “اليوتوبر” المغربي هشام الملولي الجدل عبر مواقع التواصل الاجتماعي بسبب الصورة التي نشرها رفقة الفنانة المغربية دنيا بطمة والتعليق الذي تضمن النص التالي: “باطمانة ديالي، الله يجمعنا في الحلال انشاألله، خوتي بلا كدوب واش جينا مع بعضيتنا”.
وبعد الجدل الذي خلقه المنشور خرجت الفنانة المغربية دنيا بطمة لتوضح قائلة: “السلام عليكم كيقلك واحد المثل دير الخير تلقى الشر واذا الشي زاد عن حده وجب علي التوضيح، أنا كفنانة مغربية بنت حي شعبي معروفة عليا الابتسامة مكتفارقنيش وممتكبراش نهائيا واش هذا غلط؟ معرفتش الصراحة، اخر حفل وقع واحد الموقف واحد الشخص باغي يطلع يتصور وبقى فيا مخلاوش سيكيورتي قلت لهم ماشي مشكل بحالو بحال غيرو”.
وأضافت الفنانة المغربية: “رحبت به وطلع دار فيديو وسط ازعاج وصداع، قلت لو شنو سميتك حيث اذا هو كيسحبلو معروف أنا معرفتوش، حاجة عادية قالي الاسم ديالو عملت لو اهداء..يمكن متقبلش اني معرفتش اسمو فحول فيديو الى فيلم قصير من تأليفه.. من بعد اكتشفت أنه هاد الانسان معروف كيموت على Buzz الخاوي”.
