وليد الركراكي: “والله حتى كنت فرحان فاش متحسبش الهدف”.. “بقاو بالنية وإن شاء أيكون الخير”

أكد الناخب الوطني وليد الركراكي أنه شعر بالسعادة بعد عدم احتساب الهدف الأول الذي جاء عن طريق حكيم زياش، في وقت البدل الضائع من الشوط الأول، وأشاد أيضا بالعناصر الوطنية ووصفهم “بالعائلة”.

وفي تصريحه خلال الندوة الصحافية، “غتقولو أنا حمق، ولكن والله حتى كنت فرحان فاش متحسبش الهدف، لأن بلجيكا غدخل فالشوط الثاني بش يماركيو، ونقدرو نخسرو، الحمد الله الهدف جاء فالتوقيت”.

وأضاف الناخب الوطني، “اليوم شميت الريحة ديال النية ديال الجمهور والصحفيين، بوطو كدخل وبوطو كتخرج بقاو بالنية وإن شاء أيكون الخير”.

وبخصوص ما دار في مستودع الملابس بين الشوطين قال الركراكي، “ما بين الشوطين هدرنا مزيان، درنا بزاف الأخطاء التقنية، قلتليهم ميمكنش تغلطوا قدام لاعبين كبار عالميا، وكنا مزيانين فالشوط الثاني، عطيتهم عقلية الفوز، وتسنينا الوقت المناسب، برافو للدراري”.

وتابع، “المغاربة تسناو كأس العالم والربح، اللاعبين بغاو يفرحو البلاد، والفرحة مع الجمهور لي جاء من العالم كامل، تتحس فحال العائلة كيف تنقول مع الوداد، ودراري بغاو يدخلو فالتاريخ”.