يقدم لك سيدتي موقع “خميسة” كراتان بالباذنجان والبطاطس.
المقادير:
4 حبات بطاطا مسلوقة
بصلة مشلضة
زوج دنجالات مقشرين ومقطعين
زوج بيضات
صلصة طمطام :
اربع حبات طماطم
حبة فلفلة
نصف بصلة
زعتر
زيت زيتون
زوج بيضات
كزبرة ومعدنوس
ملح
زعتر
طريقة التحضير:
اول شيء نسلقو بطاطا ونطحنوها مزيان ونزيدو ليها بيضة وملح وزعتر ونخلطو كل شي مزيان ونديروها كطبقة اولى في المول.
ناخدو مقلاة نشحرو فيها بصلة مشلطة مع شوية ملح وابزار ونزيدو زوج دنجالات مقطعين ونخليهم حتى يذبلو و نزيدو هاد الخليط على شوية كفتة تقريبا رابعة ونزيدو بيضة وثلاث ملاعق دقيق ونخلطو كل شي ونشكلو كويرات ونقليهم في شوية زيت ماشي بزاف ونستفوهم فوق طبقة البطاطا الي درناها.
ونكبو فوقهم صوص الطماطم كناخدو اربع حبات طماطم كنطحنوهم في مولينيكس مع حبة فلفل ونصف بصلة ونصفيهم ونديروهم في كاسرونة ونزيدو ملعقة صغيرة فلفل احمر وملح وزيت عود وزعتر ونخليها فوق النار حتى تعقد ونخويوها فوق كويرات دنجال (باذنجان) و ندخلو الغراتان للفرن تطيب تقريبا عشرين دقيق ونزيدو فرماج (جبنة) من الوجه ونرجعوه الفرن يذوب ونقدموه.
