شارك الفنان المصري تامر حسني عبر صفحاته الرسمية على مواقع التواصل الاجتماعي عدة نصائح مع متتبعيه وجمهوره من خلال تدوينة مطولة.
وجاء في تدوينة الفنان المصري النص التالي “( احنا فيها ) حبايب قلبي جمله سمعتها النهارده و المفروض بنسمعها في حياتنا اليوميه كتير بس اول مره اركز فيها بالشكل دا جملة (ما إحنا فيها ) جمله خطيره جداً جميله جداً فيها امل رهيب معناها ان الوقت ما فاتش و احنا لسه في الدنيا مادام انت لسه فيها يبقى الوقت ما فاتش ولا حاجه و عمر النجاح مكان بالسن ياما ناس عباقره نجحت متأخر و بقوا من اشهر و اغنى الناس في العالم … ارجوكوا ركزوا في القصه الحقيقيه دي ….”
وتابع تامر حسني قائلا “كان في طفل عنده ٥ سنوات و من الفقر و بعد وفاة والده اضطرت امه الفقيره تنزل تشتغل في اي شغل يقابلها عشانه و عشان ولادها الاصغر و لما كبر الطفل دا شويه من سن ٧ سنين بدأ يهتم بإخواته الصغيرين و يعملهم الاكل عشان امه في الشغل ، طبعاً طفل بيطبخ دي حاجه غريبه و لها مشاقه و حرمان من الطفوله و تحمل مسؤليه بدري اوي و اكبر من عمره لإنه بقى يقوم بدور الام و الاب في منزل به اطفال اصغر منه يرعاهم هو بمفرده تخيلوا الطفل ده فضل يطبخ و يشتغل شغلانات بسيطه جنب امه لحد ما بقى عنده ٦٢ سنه و محققش اي شيء بس عمل بتحويشة عمره بنزينه صغيره و فيها جزء صغير زي عربية اكل و من كتر اعجاب الناس بالاكل اللي بيقدمه و طبعاً عشان هو اللي بيطبخه بخبرته الرهيبه نجح نجاح اسطوري و تحولت البنزينه و عربية الاكل إلى اكبر سلسله مطاعم في الكره الارضيه (( كنتاكي )) و اسمه الكولونيل ساندرز”.
يذكر أن الفنان تامر حسني كان قد أثار الجدل مؤخرا بتقليده لبعض زملائه في الوسط الفني من خلال إعلان شاركه عبر صفحته الرسمية بموقع تبادل الصور الفيديوهات “انستغرام”.
Voir cette publication sur Instagram
