سلطت أسماء إبريز طليقة الدولي المغربي عز الدين أوناحي، يومه الخميس، الضوء على سبب طلاقهما، مبرزة أن علاقة صداقة وطيدة لازالت تجمعهما رغم الانفصال.
ونشرت إبريز صورة لها وصورة لعقد الزواج، على حسابها الشخصي “أنستغرام” وعلقت عليهما: “النهايات أخلاق اليوم بغيت نخرج بتوضيح نصحح فيه ما تروجه مواقع التواصل الاجتماعي وخطوبتي بعز الدين أوناحي وأني فضحت أسراره و…لي بغيت نقول اليوم أني كنت فعلا متزوجة بعز الدين أوناحي على سنة الله و رسوله وعمرني فضحت أسرارو بالعكس عز الدين إنسان خلوق ومربي و نعم الصديق و الأخ و الإبن. وعلاقتي به بدات فاش كان كيلعب فنادي Avranche قبل ما يلتاحق بنادي Angers و بالمنتخب الوطني, يعني كانت علاقة بريئة توّجناها بالزواج اللي حتى هو مسؤولية..”.
وأضافت: “عز الدين انسان موهوب وناجح في حياتو الكروية والمهنية بشهادات عالمية، لكن أنا وياه منجحناش على المستوى الشخصي ومنجحش زواجنا.. لذلك لقينا الطلاق هو الحل ولكن ماشي بمفهومه التقليدي، صافي طلقنا راه ولينا أعداء، بالعكس لم ننس الود بيننا وبقينا أصدقاء وكنسولو فبعضياتنا وكنشجعو بعضياتنا”.
وتابعت: “حيت الفشل فالحياة الزوجية ماشي نهاية العالم ويقدر يكون هاد الفشل كان درس أيخليه يكون ناجح فعلاقتو مع انسانة أخرى وأنا نكون ناجحة مع إنسان آخر لیست رجلا والحياة ليست إمرأة.. والطلاق ليس نهاية العالم و ماشي جميع لطلقو ولاو أعداء حيت النهايات أخلاق.. الصفحة اللي بيني وبين أونا حي كزوج وزوجة طويناها شحال هادا نتمناو تحتارمو هدشي حيت كيأتر على ناس خرين فحياتنا معندهم حتى شي ذنب”.
