مقادير كيك الهينريس :
3 البيضات
كاس حليب
كاس سنيدة
نصف كاس زيت
2 باكيات هنريس
2 خنيشات كاكاو
2 خمارات
للتزيين :
قهوة سريعة الذوبان و الكوك
او دانيت والفيرميسال
طريقة تحضير كيكة بهنريس :
فاناء كنديرو البيض
ونطربوه مزيان ونزيدو عليه سنيدة
و نطربو بالطراب اليدوي مزيان و نزيدو الحليب والزيت
وملي يولي خليط جد متجانس
ناخدو هينريس ندكوه بشي كاس اولا شي حاجة قاصحة وهو فالباكية ديالو
ونكوبوه فوق داك الخليط
ونخليو داك هنريس يرطاب
وملي يرطاب نكوبو كلشي فمولينيكس
ونطحنوه مزيان
نزيدو عليه الكاكاو
ونخلطو مزيان ونزيدو الخميرة
وندهنو الطاوة ديالنا بالزبدة و الدقيق
ونكبو فيها الخليط
ونخبطو الطاوة فوق البوطاجي باش يحايدو دوك الفقاعات
و ندخلوها الفران وملي طيب ونخرجوها
نكونو وجدنا القهوة سريعة الدوبان مع شوية
الما ونسقيو بيها الكيكة ملي تخرج ونرشوها بالكوك
او ندهنوها بدانيت ونرشوها بالفيرميسال
وهاهيا كيكة بهنريس بدون دقيق
بالصحة و الراحة
